Fintzas a la bincher (Samih Al Quasim)

23.08.2014

Apo a perder, forsis sa zorronada,
comente lu cheres tue,
tep'esser fortzadu a bender bestimenta e tramata;
Apo a fagher, forsis, carradore de pedras;
su fachinu,
su contoneri
o s'oberaju in unu fraile;
forsis tep'esser fortzadu a chircare in muntonarzos
pro acatare unu ranu de manigu
o forsis apo a morrer nudu e famidu.
Mancari gai non m'apo a resinnare mai a tie,
inimigu de sole!
Ma apo a agguantare fintzas a s'ultimu gutiu
de samben in sas benas.
Tue mi dias poder furare s'ùltimu prammu de terra,
dias esser capatze de dare sas prejones
a sa giovana edade mia;
de brivare-mi de s'istrumentu de nonnu:
de sos frunimentos, trastos
e isterzos.
Dias esser capatze puru de dare fogu
a sas poesias mias e sos libros
e sa carre mia a sos canes.
Dias esser - coment'est beru - un'ammutu
in coro de sa bidda nostra,
o inimigu de sole!
Mancari gai, non m'apo a resinnare a tie mai
e, fintzas a s'ultimu gutiu
de saben in sas benas
apo a agguantare!...
M'asa a poder istudare sa lughe chi m'isciarit sa
note
e brivare-mi de unu basu de mamma;
sos pitzinnos bostros diant esser capatzes de
afeare su pobulu e a babbu meu;
calchi vigliacu de bois diat eserr capatze de
afaltzare s'istoria mia.
Mantessi tue dias poder brivare fizos mios
de una beste bona;
capatze de coglionare
a caragota
sos amigos mios,
ponner in rughe sas dies in bididas de umiliu,
o inimigu de sole!
Mancari gai, non m'apo a resinnare a tie mai
e, fintzas a s'ultimu gutiu de samben in sas benas
apo a agguantare!...
O nemico del sole!
In su portu bido infiocaduras,
sinzales de allegria;
intendo boghes cuntentas
e plausos ispantados
chi infogant de brama sas bulas;
e atesu bido una vela
ch'isfidat su bentu e sas undas
brichende cun fide s'arriscu!
Cust'est sa torrada de Ulisse
dae mares de s'ispèrdida.
Custa est torrada de sole,
de un'amine disteradu!...
Pro sos ojos suos e pro s'amada terra
giuro de non mi resinnare a tie mai
fintzas a s'ultimu gutiu de samben in sas benas,
ap'agguantare,
ap'agguantare,
ap'agguantare!...