s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Chi l'at criadu s'ou de capelladu
gia est aberu, ma pumas l'at sicu
sa mama, creo a colpos de bicu,
ca de nd'essire a fora s'est negadu.
Ma no pateit ca fit tzulumbadu,
cantu pro perder de pumas s'aficu,
tantu chi neit: "Si divento ricu
mi ponzo tzufu a pilu innestadu."
A cuss'intesa, su padronu sou
cun sos mantessis problemas de lana,
l'antitzipat furende-li s'idea
e nende: "Lassa a mie destinu tou,
basami puru pro chi parfa rana
e ti do de sardigna alta cadrea."
/https%3A%2F%2Fassets.over-blog.com%2Ft%2Fcedistic%2Fcamera.png)