s'amigu de totu sos sardos chi cheren mezorare sa limba, iscriende su chi capitada e dende cunsizos bonos
So trint'annos chi fato sa mansione
e grasci'a Deus ancora non so mortu;
un'anca arranco, in s'atera bistortu,
e puru salv'onzunu isto benone.
Sa note m'afianzo a su portone
e su manzanu cando torro a bortu:
Omina bona mea mecume1, isortu
m'aparitzo de nou in su rione.
Si busco, su chi busco mi lu papo,
si non nde busco, e benit frecuente,
mi pipo duas cicas e lu tapo.
Ma si s'alanzu superat valore
de su ch'est su bisonzu, est evidente,
tanco butega e fato su segnore.
1 totu sos benes mios sun chin megus.
/https%3A%2F%2Fassets.over-blog.com%2Ft%2Fcedistic%2Fcamera.png)