Su matzone (Remundu Piras)
12.12.2013
Di antonalta
De sos matzones est destinu sumu
chi totu finin in mala manera.
Primu faghen sas bamas a bisera
ispaconende cun sa coa a pumu.
Poi morin de mossu o de piumu
o isbarrados cun nughe fiera,
tentos a canes o a motzonera
o in sa tana annegados a fumu.
E si calcunu pro sorte o pro trassas
imbetzat, isdentadu e isconfusu
faghet sa fine trista 'e sas bagassas.
Da chi non podet furare piusu
tando isconcat invece 'e puddas rassas
calchi tilingia o calchi carrabusu.
Condividi post
Per essere informato degli ultimi articoli, iscriviti:
/https%3A%2F%2Fassets.over-blog.com%2Ft%2Fcedistic%2Fcamera.png)