s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Pensamentosu e solu in s’adde fia
misurende caminu a passos lentos;
ja che fit ora, in ojos aer apentos,
su no bider in cue, anima ia.
In cantu custa solu es s’alma mia
contr'a cussos chi furan sentimentos;
ca s’in bisu no t’iden s'allegria,
in coro creen de legger sos intentos.
Solu s’adde, su monte chin su riu
ischin de ite tempera so fatu
e cale amore m’es lassende iu,
chin issos solu parto su ricatu
e pro cantu chin calma mi dan briu
eo lis torro amore sodisfatu.
/https%3A%2F%2Fassets.over-blog.com%2Ft%2Fcedistic%2Fcamera.png)