s'amigu de totu sos sardos chi cheren mezorare sa limba, iscriende su chi capitada e dende cunsizos bonos
traduiscione
Ite crees chi b’appat in chelveddos,
cudde chi peldet ammentos e sale,
si no connoschet s’amigu fedale,
ne sogra, ne muzere, ne piseddos ?
Asi son iscentziados de concale
Chi dana a pensamentos sos inseddos,
it’an cumpresu? Caule e cugumeddos!
Pro cussu chilcan sempre tale e cale.
Sutzedit puru, si s’oju l’aberis,
chi onzi tantu une de sientzia
no ischit pius cuddu chi fit deris.
Proa m’est su padronu in tal’andatzu;
chi dae cando li naran eminentzia,
no ammentat pius chi fit conca e catzu.
/https%3A%2F%2Fassets.over-blog.com%2Ft%2Fcedistic%2Fcamera.png)