a Ipisista (Catullo)

Pius de duamiza annos faghet, Catullo iscriet custu apuntamentu urgente

Sias donosa dulche mia Ipisista,

deliscia mia, tesoro meu; jama

apoi manigadu, ch’apo brama

d’enner; e tanca pro s’anzena vista.

Ma no ti enzat de aer s’isvista

D’abberrer torr’in campu pro sa cama ;

chilca solu ‘e tessire noa trama,

pro ch'in s'oldinzu, continu resista.

Antzis, ja enzo in taldu manzanu

ca ja ustadu apo prima ‘e s’ora

gai chi a bentr’in susu in sa dimora

no mi s’istampet tunica o cabanu.