s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Cand'asa a bider una terr'antiga
posta in mesu tirrenu a turres rutas,
tota niedda dae sas allutas,
pasculende masones cala e piga
tra disfidas balentes e disputas
pro incunzas de casu e de ispiga;
frimmabi passu, chi no t'est nemiga,
es chi passadu li marcat iscutas.
Lea parte a binnennas e tusorzos
ue tenores afogan travias,
ammoddighende cussos duros colzos
e los connosches cando in allegrias,
arramban in fatzada sos puntolzos
pro ti resare bellas poesias.
/https%3A%2F%2Fassets.over-blog.com%2Ft%2Fcedistic%2Fcamera.png)