Poeta improvvisadore de Tissi, in su 1700.
Coro meu, ajò, ajò
a benis a t’ispassare?
Imbasciada hap’a mandare
a rosa mia dechida,
hoe chi non l’hapo ida
mente mia non reposat,
nadel’a bianca rosa
s’issa cheret la visito.
Si de la ider merito
visitare la cheria
a s’inamorada mia,
giughide cust’imbasciada;
a sa mia inamorada
nadeli goi matessi
chi m’hapat in coro nessi
et no hapat cuidadu.
Nadeli chi hapo sensadu
ispassiu et divertimentu,
chi m’hapat in pensamentu
nessi cand’andat a missa.
Et nadeli chi pro issad34 d
non b’hat odiu ne rancore,
chi s’ammentet de s’amore
prima ch’hat fundamentadu.
Ite naras, coro amadu
chi mi lassas angustiosu,
coro ingratu et ingannosu
chi mi privas de allegria?
Como sa persone mia
regirat ca non m’istimas,
de ti lassare non timas
cant’in vida hap’a durare,
nen timas de ti lassare
crelu, coro meu mannu.
Si eo ti juto ingannu
chi Deu ingannet a mie,
si juto eo ingannu a tie
chi Deus mi let sa vida.
Bides chi juto imprimida
intro su coro una frizza
et tue non nd’has frizza
ruja mela colorida.
Bochimi o lassami a bida,
como in brazzos tuos so;
coro meu, ajò, ajò
a benis a t’ispassare?
/https%3A%2F%2Fassets.over-blog.com%2Ft%2Fcedistic%2Fcamera.png)