Su segundu peccadu (belli)

Chi tiu Cainu, apoi ch’Eva rueit,

aret mortu unu poberu innossente;

fena a cue no b’at chi si b’istente:

fin bator-bator-oto, gia s’ischeit.

Però sa tribulia manna in mente

es chi neune a oje nd’isciareit

comente mai Cainu connoscheit

chi cun sos colpos s’ochiat sa zente.

Prima de cussa sua balentia,

mai omine ancora isteit bochidu

ne mortu mai mancu ‘e maladia.

Duncas, pro cantu s’est disubididu

de inguller figu pro entroneria:

s’estru de ochire l’enit gia frunidu?