s'amigu de totu sos sardos chi cheren mezorare sa limba, iscriende su chi capitada e dende cunsizos bonos
No ischides chie es morta, poberina?
M’es morta sa poledda a pilu alzu!
Pobera rese, che siguru atalzu,
si bi podiat sere una reina.
Frequente la jughia a molinarzu
cun sos treghentos chilos de farina;
ma gia m’aiat fatu una deghina
de rutas malas, pro su pè dannalzu.
Li nei: “No fatas torra sa biscionca” .
Ma issa bi torreit; porca futida ;
tantu chi li etei balasciu in conca.
Gai comente esserat isturrida,
istireit ancas e fineit sa festa.
Ite dolu, m’es propiu dispiaghìda.
/https%3A%2F%2Fassets.over-blog.com%2Ft%2Fcedistic%2Fcamera.png)