Furfuru solitariu (leopardi)

Dae sa punta de sa turre antiga,

furfuru solitariu, a sa campagna

andas cantende fin’a morrer die ;

e segas s’armonia de cust’adde.

Eranu rie-rie,

aèra allughet e campos allegrat

chi solu a bider ammoddigat coro.

Meilos de amas, muilos de armentos;

e puzones cuntentos totu a gara

fatende son in chelu milli giros,

pro menzus festa de tempus insoro.

Tue pensamentosu totu miras;

ne cumpanzos ne bolu

evitas risu, fues su bonumore,

cantas e oltrepassas

de sa vida sos annos in fiore.

Ohi cantu assemizat

a mie costumen tou. Risu e puntiglia

de prima edade in sa dulche famiglia,

e tue frade, in giovanias d’amore,

suspiros agros d’avantzadas dies,

no curo, eo no isco, antzis da issos

guasi fuo lontanu,

guasi solu e istranu

in sos logos nadios

passo de biver mios cust’Eranu.

E die chi oramai tzedit a sera,

festare l’est costume a burgu nostru.

In su serenu, tando, primu tocu

e frequente sa tronida ‘e sas cannas

si che rimbumban dae bidda in bidda.

Tot’estidos a festa

sos giovanos de cue

lassan sa domo e bessin in carrera;

miran e son mirados, e s’allegran.

Eo solitariu in custu

antigu oru ‘e idda,

onzi cuntentu o giogu,

remonzo apoi; e intantu,

miro lughida aera

chi sole inferit in sedda lontana,

e in presse, dae serenu,

ruende si costoit e paret niat

chi sa biada gioventude at frenu.

E tue puzone solu ennidu a sera

de vida chi ada a dare a tie s’isteddu,

tzeltu de usos tuos

no t’as a doler; de natura es frutu

onzi ostra pretesa.

A mie si pro s’etzesa,

maleidu giannile,

evitare no poto

cand’ojos mudos sun a coro anzenu

e mundu lis es boidu, e su venturu

de su presente, infadosu e buju.

It’atit tale oza?

Ite de annos mios? Ite de me?

Ahi, fossi m’es mannu impudu puru,

Ma isconsoladu m’apo a oltare muju.