A sa sera (Foscolo)

A sa sera

Forsis proite dae fadale calma,

immagine mi ses, e dulche torras

o sera! E cando in briu impalmas

estivas nues e Zèfìru chi acorras

o cando a nie sas aeras almas

e de nieddu s’universu imporras

sempre invocada ses, e a cua ti salvas

intro su coro chi suave aforras.

Bituleri dissignu a mie istigas

chi a nudda acudit, e intantu fuet

su tempus reu e fatu tou impigas

trumada lena ue in me s’istruet;

e paghe tua mirende, sonnu ligas

d’atza balente ch’intro petus muet.

--------

S’imbitzu de sa notte at tramadu sempre unu

tzeltu ammaju in sos poetas liricos.

In custu sonetu famosu, publicadu in su 1803

Foscolo descriede su momentu inue falan sas

primas ismurinadas e su mundu iscolorit

dae lumeras vitales de sa die a s'amargura

de s’iscuru, chi peltzipitat s’idea de sa morte.

Sa sera atit chin issa, mistica aera de calma

e appasigos de afannos, inue fintzas un’animu

turmentadu podet pro azigu essere alleviadu.