s'infinidu (leopardi)

Sempre cara m’isteit s’antiga sedda

e custa tupa, chi dae medas ados

a ue s’imberghet chelu, negan vista.

Ma setzidu, mirende islacanados

logos, cudd’ala in sos soberanos

pasigos mudos chi no mustran fundu,

pensamentos bi fingo, ue pro pagu

no m’ispaurìgat coro. Chei su entu

cando movet sa frasca; send’eo pernu

de in’acabbada calma; a cussas boghes

ando a cunfrontu: atende s’eternu

chin mortas istajones e presente,

bios sonos de issas. Asi trappare,

infinidos annego intro sa mente;

e naufraggiu m’est dulche in custu mare.

Sa brama a superare pro mesu de sa fantasia criadora de sa poesia e sas lacanas de s’isperientzia umana chi nde

cunsighidi e chi caraterìzada no solu sa sensibilidade romantica, ma sa grande poesia de onzi tempus,

est a sa base de custa tzelebre lirica de Leopardi. Ma comente ischit bene chie s’est arriscadu chin sas

fotografias o chin artes visivas in generale a dare profindidade de campu a s’inquadradura, es netzessariu

ricurrere a una quinta in primu pianu chi ofelzat unu puntu de riferimentu, grascias a sa cale, si produat su

sensu de s’accultzu e de s’atesu e de su pius atesu.Asi a sa quinta incuadradura ( naturale ) rapresentada dae sa tupa,

Leopardi acostat sa quinta (mentale) de s’isfraschinzu entosu chin su sensu de su presente in sos isenatos

infinidos de s’infinidu cagliamentu e in sa mannesa de s’eternu; misura de sa cale, sa fantasia acatat dulche su naufragare.