s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Tiu pepe eldureri ‘e su melcadu,
promissa deit a babbai letore,
chi poi mortu donat cun amore,
chimbanta iscudos e unu cunzadu.
E gia enzeit die de mal’istadu,
ch’imbisitas li faghen imminente,
parentes e parentes de parente
pro li mustrare amore indemoniadu.
Poi, cando s’enzeit a s’ozu santu,
su babbai li neit, cando l’unghiat:
“Ammentadinde fizu ‘e cuddu tantu...”.
Tiu Pepe, tando a ojos che lampione
e che arzilu puddu, rispondiat:
“Unghe, unghe, e no seghes sos cozones “.
/https%3A%2F%2Fassets.over-blog.com%2Ft%2Fcedistic%2Fcamera.png)