NAZIM HIKMET RAN 1902-1963

Leala a sa seria

comente faghet s'iscoiatulu, pro esempru,

chena aspetare-ti nudda

dae fora o a cudd'ala de mundu.

Non as'aer ateru che biver.

Sa vida non est una bruglia.

Leala seriamente

ma seria a tale puntu

chi postu a cara a muru, pro esempru, a manos ligadas,

o intro unu laboratoriu

chin su camice biancu e ispijitos mannos,

tue morzas in modu chi vivan sos omines,

sos omines de sos cales non asa a connoscher sa cara, e asa a morrer ischende

chi nudda est pius bellu, pius beru de sa vida.

Leala seriamente

ma seriu a tale puntu

chi a setant'annos, pro esempru, asa a piantare

alvore de olia

non pro chi resten a fizos tuos

ma ca non asa a creer a sa morte

puru timende-la,

e sa vida at a pesare de pius in s'istadea.