s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Iscadenada da una poesia de baudelaire.
Antoni Altana.
Bisos de luna misera in fuire:
che donosa cun chiza in pumas tentas,
carignat lebia a manos disatentas
sas titas tundas prima 'e si drommire,
issa tra dossu 'e sedas, moddes, lentas
esporat1 grae isanimu, acudire,
sighende fadas pro poder oddire
brotos de chelu cun rosas cuntentas.
Cantas bortas tra viscios suos a cua,
ruet lagrim'in terra, e su poeta
noturnu coglit cun mistica crua
in junta 'e manu, sinchera tracheta
ch'irrajat che opale, nida fua
furad'a sole ca coro l'iseta'.
1) esprimere, esternare
/https%3A%2F%2Fassets.over-blog.com%2Ft%2Fcedistic%2Fcamera.png)