s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Ma s’ischit, ite diaulos apo fatu?
Tra muzere cun sogra o fiza siat,
sa famiglia no mi suportaiat,
forsis l’aiat chin megus puru s’atu.
Si chenende, Deus nd’aldet fat'iscatu
e murrunzo ca no mi piaghiat;
solu a mi mover, s’ampulla partiat;
ando pro narrer; olat su piatu.
Ma poi, ambas tres de acoldu ch’essin,
si chi restadu solu, pianu-pianu,
mundo totu sos biculos chi nd’essin.
E cando in coghina totu es netu,
m’allugo mesu zigarru toscanu;
abboigo viva Italia e bando a letu.
/https%3A%2F%2Fassets.over-blog.com%2Ft%2Fcedistic%2Fcamera.png)