DONOSA (Shakespeare)

devo paragonare-ti a una die de istiu?

tue ses pius donosa e moderada:

bentos impetuosos trinnigan boculos de maju

e su cursu de s'istiu a durada tropu cultza;

a boltas s'oju de su chelu est tropu illuinadu,

e frecuente su chizu doradu benit buju;

e onzi bellesa dae sa bellesa si mujat,

maltrata dae su casu o dae mudevole cursu de natura.

Ma su tou eternu istiu non devet allizare,

ne perder sa bellesa chi t'apartenet;

ne sa morte at a dever antare-si de su tou bitulerare in s'umbra sua,

prite as a crescher, in su passare de su tempus, in versos eternos.

Fintzas chi b'at a esser unu respiru e ojos pro ider,

custos versos ana a biver e ti ana a mantenner in bida.