s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Cantu pius tanco s'oju, menzus bidet,
prite onzi die mirat cosas vanas;
ma cando drommo, in bijones mirat
a tie, ch'imbujados tuos lugores,
mandan allutas dritas in s'iscuru.
Tando tue chin s'umbra, umbras allughes;
cale iscena diciosa diat frimmare
raglias de s'umbra tua
in avreschìda ia chin lughe giara,
cando a turpas umbra tua s'atzendet!
Tando naro, beneitos ojos mios,
idende a tie in sa die vivente,
cando in morta note, bella umbra
tua imperfeta,
pro mesu 'e graes ijones, in tzegos ojo
pasat!
E donzi die sun notes a las bider,
fintzas a bider a tie;
e notes, dies atzesas, cando ijones
si mustran bias a mie.
/https%3A%2F%2Fassets.over-blog.com%2Ft%2Fcedistic%2Fcamera.png)