E puru est capelladu conchi nieddu (Altana)

10.02.2012 …

Di antonalta

sa veridade de comente est diventadu presidente

Chi fit intro un'ou de capelladu
gia est aberu, ma pumas l'at sicu
sa mama, cando a colpos de bicu,
ca no cheriat bessire, l'at leadu.

Ma no pateit su esser tzulumbadu,
cantu pro perder su pumosu aficu,
ca isclameit: "Si divento ricu
mi ponzo tzufos a pilu innestadu."

A cuss'intesa, su padronu sou
cun sos mantessis problemas de lana,
l'antitzipat furende-li s'idea;

nende: "si das'a mie dissignu tou,
e m'asas pro chi ruspu parfa rana
ti do de sa sardigna alta cadrea."

Condividi post