s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Sos bratzos minde falan a s'intesa
de custos inumanos traficantes,
isperend'in tziviles guvernantes
ch'istuden pius prestu tal'inchesa.
Ma l'ido trista, frimmare s'impresa
pro chi semus de arma frabicantes
e de tantos colores, guvernantes
finghend'ajudos cun sa manu presa.
Boghet protesta chie ancora at coro,
cumbidende a s'oldinzu zente digna,
pro s'ocupare de sa buja peste,
torrende a cussos fizos su decoro
e ghiados cun manu pius benigna,
ch'ispozen prestu sambenosa este.
/idata%2F2635925%2Fluigi-ladu1.jpg)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Fimg.youtube.com%2Fvi%2FaXofuzVWd74%2F0.jpg)