s'amigu de totu sos sardos chi cheren mezorare sa limba, iscriende su chi capitada e dende cunsizos bonos
A su cociu, ischilciada s’est sa roda
e-i s’atera puru girat tolta,
gai sos boes andende a cadraolta
imbertu s’ana sa padana doda.
Su carrulante a boghe istraolta
nachi s’est tota solta cun sa soda,
comente faghet camorrista moda,
cando cantzellat puru carre molta.
Sas villas nachi, bi l’as ana fatas
chena ischire padronu ne padrona,
si custu contu fin paghende a ratas
o bruglia de su bunga sona sona
chi pro sighire suas malefatas,
fureit soddu a Roma ladrona.
/https%3A%2F%2Fassets.over-blog.com%2Ft%2Fcedistic%2Fcamera.png)