Groddes e atos (Altana)

Frommadu su guvernu marianu,

Casteddu tinghen, ruju e biaitu,

mastrucas, peddes, lanas pro su fritu

e tres puddos sa die, gia ispilidos.

Pro s'istiu, anzones preutidos

cun ses perdighes de primu eranu.

Primu decretu, pro sa pesadia

de onzi ratza 'e puddas e coniglios,

narat, chi duos matzones ispibiglios

manizen totucantu s'isvilupu.

Isburran sos ajudos a su lupu

in donzi ramu de sa maladia.

Ma pius de totu pro cura dentaria;

ca ch'in cussu risprammiu de tres panes,

relatadu s'oldinzu; dein a canes

ligados in sa giagas de puddalzu,

tra magasinos ricos de imbalzu,

e barraca de atu proletaria.

Pro s'ispatzu giameit sa porchedda

ca istudiadu at in su marcadu;

a s'istrutzione, ainu dutoradu

de sermones e ateras materias...

Pro su tribagliu, venas e arterias

de su podere; su grodde b'insedda'.

Guvernu goi, mancu campiones,

ca sas intradas sun abberu tantas;

miraculos de santos e de santas

brotana como duas bortas s'annu.

Pro sorighe, pitzinnu siat o mannu,

degumas pagan chin duos puzones.

Com'an fatu decretu "Giatispozo"

pro chi felinu, ungias si che mundet

e pilos de sas nadigas s'atundet

pro non dare anneu a s'ipetzione

e si agnangat sa paraula ...one

pius de totu cando narat cozo.

altana