s'amigu de totu sos sardos chi cheren mezorare sa limba, iscriende su chi capitada e dende cunsizos bonos
Bobbore su mulaju, a frusciu ispaltu
passat chin duas lamas in sas foddes
subra su pegus sempre a coa in altu
ca crostas de letranca non sun moddes.
Solitos cicisbeos de su saltu,
pro rimarcare gradu 'e ricos groddes,
l'isetaian tra rosoliu e maltu,
cantende: "Com'est'ora chi t'impoddes!"
Gia si godian risposta indignada
riende a isbrufos e a sulu
fintz'a cando cuss'ora est arrivada.
"Proite, cando passat custu mulu
nos mustrat su rispetu a coa alciada...?"
"Creo... pro che li ponner car'in culu!"
Gai, truvat e sighit sa frusciada.
altana
/https%3A%2F%2Fassets.over-blog.com%2Ft%2Fcedistic%2Fcamera.png)